Vimānavatthupāḷi
1. Itthivimānaṃ
2. Cittalatāvaggo
8. Niddāvimānavatthu
246.
‘‘Abhikkantena vaṇṇena, yā tvaṃ tiṭṭhasi devate;
Obhāsentī disā sabbā, osadhī viya tārakā.
247.
‘‘Kena tetādiso vaṇṇo…pe…
Vaṇṇo ca te sabbadisā pabhāsatī’’ti.
249.
Sā devatā attamanā…pe… yassa kammassidaṃ phalaṃ.
250.
‘‘Niddāti [saddhāti (sī.)] mamaṃ ańńaṃsu, rājagahasmiṃ upāsikā;
Saddhā sīlena sampannā, saṃvibhāgaratā sadā.
251.
‘‘Acchādanańca bhattańca, senāsanaṃ padīpiyaṃ;
Adāsiṃ ujubhūtesu, vippasannena cetasā.
252.
‘‘Cātuddasiṃ pańcadasiṃ, yā ca pakkhassa aṭṭhamī;
Pāṭihāriyapakkhańca, aṭṭhaṅgasusamāgataṃ.
253.
‘‘Uposathaṃ upavasissaṃ, sadā sīlesu saṃvutā;
Sańńamā saṃvibhāgā ca, vimānaṃ āvasāmahaṃ.
254.
‘‘Pāṇātipātā viratā, musāvādā ca sańńatā;
Theyyā ca aticārā ca, majjapānā ca ārakā.
255.
‘‘Pańcasikkhāpade ratā, ariyasaccāna kovidā;
Upāsikā cakkhumato, gotamassa yasassino.
256.
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
Niddāvimānaṃ [saddhāvimānaṃ (sī.)] aṭṭhamaṃ.
9. Suniddāvimānavatthu
258.
‘‘Abhikkantena vaṇṇena…pe… osadhī viya tārakā.
259.
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
261.
Sā devatā attamanā…pe… yassa kammassidaṃ phalaṃ.
262.
‘‘Suniddāti [sunandāti (sī.)] maṃ ańńaṃsu, rājagahasmiṃ upāsikā;
Saddhā sīlena sampannā, saṃvibhāgaratā sadā.
266.
(Yathā niddāvimānaṃ tathā vitthāretabbaṃ.)
267.
‘‘Pańcasikkhāpade ratā, ariyasaccāna kovidā;
Upāsikā cakkhumato, gotamassa yasassino.
268.
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
Suniddāvimānaṃ navamaṃ.
10. Paṭhamabhikkhādāyikāvimānavatthu
270.
‘‘Abhikkantena vaṇṇena, yā tvaṃ tiṭṭhasi devate;
Obhāsentī disā sabbā, osadhī viya tārakā.
271.
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
273.
Sā devatā attamanā…pe… yassa kammassidaṃ phalaṃ.
274.
‘‘Ahaṃ manussesu manussabhūtā, purimāya jātiyā manussaloke.
275.
‘‘Addasaṃ virajaṃ buddhaṃ, vippasannamanāvilaṃ;
Tassa adāsahaṃ bhikkhaṃ, pasannā sehi pāṇibhi.
276.
‘‘Tena metādiso vaṇṇo…pe…
Vaṇṇo ca me sabbadisā pabhāsatī’’ti.
Paṭhamabhikkhādāyikāvimānaṃ dasamaṃ.
11. Dutiyabhikkhādāyikāvimānavatthu
278.
‘‘Abhikkantena vaṇṇena, yā tvaṃ tiṭṭhasi devate;
Obhāsentī disā sabbā, osadhī viya tārakā.
279.
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
281.
Sā devatā attamanā…pe… yassa kammassidaṃ phalaṃ.
282.
‘‘Ahaṃ manussesu manussabhūtā, purimāya jātiyā manussaloke.
283.
‘‘Addasaṃ virajaṃ bhikkhuṃ, vippasannamanāvilaṃ;
Tassa adāsahaṃ bhikkhaṃ, pasannā sehi pāṇibhi.
284.
‘‘Tena metādiso vaṇṇo…pe. … vaṇṇo ca me sabbadisā pabhāsatī’’ti.
Dutiyabhikkhādāyikāvimānaṃ ekādasamaṃ.
Cittalatāvaggo dutiyo niṭṭhito.
Tassuddānaṃ –
Dāsī ceva lakhumā ca, atha ācāmadāyikā;
Caṇḍālī bhadditthī ceva [bhadditthikā ca (syā.)], soṇadinnā uposathā;
Niddā ceva suniddā ca [nandā ceva sunandā ca (sī.)], dve ca bhikkhāya dāyikā;
Vaggo tena pavuccatīti.
Bhāṇavāraṃ paṭhamaṃ niṭṭhitaṃ.